娶得美人歸的張繼聰，最近在《東網電視》最新一集的《娛樂onShow》，與主持李文珊分享「嫌棄」與「女神老婆」謝安琪在工作上合作的原因，更大爆囝囝艷福無邊，三歲時已經結婚！文：專案組

Louis表示拍親熱戲前，不會特別知會老婆Kay。

Louis上《娛樂onShow》與主持Sherman暢談與老婆及囝囝間的趣事。

Kay常帶張瞻捧Louis場，Louis更表示囝囝在學校的情史豐富。

曾與不少女星合作的張繼聰（Louis），在這一集的《娛樂onShow》接受主持李文珊（Sherman）訪問。提到最「合作無間」的人，定必是老婆謝安琪（Kay），不過Louis卻表示不想跟Kay合作拍戲，尤其是演夫妻。何以Louis「嫌棄」與Kay合作？他說：「應該冇人會想睇囉！好似偷窺人哋兩公婆生活咁。」有時他難免在戲中與女星拍親熱戲，但老婆一直都大方接受，Louis笑說：「佢冇特別講，我都唔會特別問佢，自己攞嚟衰咩！」

最羨慕的人

能夠有一位「女神老婆」，Louis相信成為不少宅男羨慕的對象！那他羨慕的對象又是誰？原來是囝囝張瞻！Louis大爆囝囝「早婚」：「佢三歲都結過婚，同班入面隔籬個女仔結婚。」

學校做男神

原來張瞻年紀小小，情史已相當豐富，Louis笑言覺得羨慕：「我諗佢算喺學校幾受歡迎，佢成日講邊個邊個係佢女朋友，咁我純粹覺得羨慕，我會同佢講：『你盡情玩啦，我結咗婚唔玩喇！』」而就讀國際學校的囝囝英文不俗，Louis也甘拜下風：「佢英文進步好快，已經超越我喇！我只係識講：『I agree with you.』」

想知道更多關於Louis和囝囝的趣事，記得留意星期一至五的《娛樂onShow》！