林夏薇昨日獲老公莫贊生力撐，雙雙現身屯門賀其有份投資的點心店開幕，讓傳媒拍照後，老公即回復低調，夏薇說：「佢怕醜，有啲驚！佢純粹做嘉賓，呢間同北角嗰間，佢都冇份投資。（老公讚你叻女？）呢啲嘢在心中，佢精神上支持我！遲吓我投資咗套動畫電影嘅香港同澳門播映權。」

林夏薇新店開幕，老公莫贊生、胡楓、謝雪心和黎耀祥前來撐場。

而黎耀祥以嘉賓身份到場，提到金剛在台灣捲入開槍事件，他笑問：「打唔打中佢先？講笑講笑！夜蒲係危險，咪話開槍，飲大兩杯都麻煩，有機會同人爭執，總之小心，希望佢冇事！」