金剛昨日在台北捲入槍擊事件，身為女友的蕊蕊透露男友已報平安，但仍然非常擔心，更表示甘願為男友擋子彈：「保護自己最重要嘅人！」至於拍檔小儀則力撐金剛絕非醉酒搞事之人：「佢都唔飲酒！」

蕊蕊甘願為男友擋子彈，咁嘅女友邊度搵！

離開警局後，金剛總算有番啲笑容！

本來去夜店傾生意嘅金剛突然被捲入槍擊案。

與金剛合作無間的小儀相信拍檔唔會醉酒鬧事。

文：影視組

現年34歲的金剛昨日凌晨在台北酒店夜場中捲入槍擊案，親身經歷驚險時刻！身在香港的女友蕊蕊表示男友已報平安，但仍然非常擔心，更稱甘願為男友擋子彈：「當時如果我喺度，我一定會勁驚，都可能會不知所措，但情急之下都會想保護自己最重要嘅人！」

因工作未能赴台

談到事發經過，她透露金剛本來是到夜店傾合作開舖，但甫抵達現場即發現情況混亂：「佢畀人推入廁所，直到警察到場，就叫佢返警局協助調查，嗰個人佢完全唔識。」對男友投信任一票，她指因公事未能到台灣探望：「佢話自己冇事，仲安慰番我叫我唔使擔心。」問會否更珍惜眼前人？她坦言一直重視男友：「件事唔會有咩特別大嘅影響。（快啲結婚？）一件事還一件事，依家當務之急係金剛嘅安全先，結婚就遲啲再打算。」

至於一向與金剛合作無間的小儀昨日完成電台節目工作受訪時表示，原本對事件全不知情，至昨晨有朋友給她看台灣新聞，再聽到電台亦有提及此事才心知不妙，乍聞槍擊似很嚴重，便於早上九時許聯絡金剛，而對方亦很快回覆，小儀說：「佢聲線清晰，強調同事件無關，當時佢喺廁所，唔清楚情況，叫我唔使擔心，而佢都喺Facebook報咗平安！」

小儀撐唔會搞事

曾與金剛到台灣拍攝無綫節目《街坊廚神舌戰新台韓》的小儀，認為金剛在台灣知名度高，行為亦相當檢點：「嗰次喺台南，佢帶我去夜巿，好多人認出佢仲要求影相，我仲做咗佢助手幫佢擋住啲人！（酒量？）其實佢酒量好淺，之前我哋去台灣，見佢成日車朋友，所以佢都唔飲酒，醉酒搞事一定唔關佢事！」

而無綫高層樂易玲亦表示金剛已在昨晨向她報平安，更笑指金剛自誇聰明，懂得情急智生。她透露金剛是次赴台並非為了工作，而是放假回台灣，幾日後便會回港。