張智霖、佘詩曼、薛家燕及電影公司老闆蕭定一前晚在旺角為電影《十月初五的月光》祝捷，電影於中、港、澳門至今合共錄得逾5千萬人民幣（約6千萬港元）票房。張智霖剛由廣州出席巡迴演唱會記招返港，他表示受《十》片在內地上映受歡迎帶挈下，演唱會賣飛反應理想，正計劃於演唱會中加插《十》片元素，問會否請阿佘做嘉賓，他笑說：「佢好忙喎，同埋識佢咁耐都未聽過佢唱歌。（老婆袁詠儀會唔會上台？）喺香港試過，嗰場佢可能太緊張唱唔到，睇吓佢有冇勇氣，喺邊度跌低就喺邊度起番身，但我覺得佢上次嘅表現已經好可愛。」

張智霖有意將《十》片元素搬上演唱會，但笑言未聽過阿佘歌聲。

票房報捷，張智霖、薛家燕及阿佘齊齊開香檳慶祝。

《十》片大Hit，王宗堯亦拍出《足膝好》向電影主角「祝君好」致敬。

對於有網友批評電影，阿佘說：「我聽到嘅就好正面，話勾起十五年前嘅感覺同回憶，睇戲好主觀，希望導演可以聽到意見，下次拍到佢鍾意嘅電影。」她表示下月中將拍《使徒行者》電影版，對有傳男主角由劇集的林峯換上古天樂及張家輝，她說：「唔知其他有咩人，當然想原班人馬，但有新人加入係好事。（無綫話出年開網劇版？）喺微博聽過，但同時間拍唔到兩邊，做完電影版先。」屬單親媽媽的薛家燕對政府作公眾諮詢建議離婚父母應共同撫養子女，她激動地表示是好事。

王宗堯拍片惡搞

另外，「男神」王宗堯最近偕陳詩慧和周家怡將《十》片惡搞成《足膝好》一片，除了海報學到足頭碰頭溫馨畫面，亦有陳詩慧孭起王宗堯及為對方舔「膿物」棉花棒的情節，王宗堯說：「我哋想捧佢做女笑匠，佢今次做『吮膿女』。」