袁嘉敏前晚與陳鈺芸等出席首映禮，提到最近被拍得與外籍男友在街頭激咀，她表示與對方仍在了解中：「佢想我低調啲，唔回應咁多，其實我哋已經去到好遠嘅沙灘餐廳。（隔住頭盔都咀？）佢又周圍飛，我亦都周圍飛，係會掛住。（拍咗拖幾耐？）佢做生意，想我低調啲，唔回應喇！」她指大家有共同朋友，問到是否視對方為結婚對象，她說：「暫時相處得好舒服，冇諗到咁長遠。（男友知你拍過三級片？）佢好了解我嘅工作，佢唔介意。（如果再有三級片拍，會唔會問准男友？）會商量吓，要尊重屋企人同男友意願，依家唔同以前話咁就咁，多咗考慮。」而陳鈺芸則身穿露腰裝搶鏡。

袁嘉敏自爆太掛念男友，才會情不自禁在街頭激吻。

身穿露腰裝的陳鈺芸成功搶鏡。