周柏豪日前到美國為新碟《Roundabout》拍攝封面及MV，今次專輯的主題以「迴旋處」比喻人生，柏豪繼續「大文豪」上身有感而發：「有時就算錯失咗一個路口，唔好介意學習兜多個圈，只要肯走多一步，總可以去到你想去嘅地方，而美國嘅公路同埋一望無際嘅環境，真係將嗰種意境交代到出嚟！」為了切合主題，製作人員特別租用了古董車，柏豪更一試鍾情，想據為己有，但發現是左軚車即打消念頭。

周柏豪在MV中揸住古董車Chok樣，好有意境噃！

為了創作好歌給柏豪，Wyman（右）及陳詠謙展開師徒大戰。

而柏豪更引發了黃偉文（Wyman）及陳詠謙兩師徒的填詞大對決，他說：「Wyman寫咗《磨牙》，陳詠謙就接招寫番《露齒》，每首歌都會講番相反嘅內容去決鬥，出嚟個反應好好。」