近日受離婚困擾的前港姐林雅詩（Grace），昨日疑食物中毒急Call白車送院！送院後見她面色蒼白，面部瘦至腮骨凸起，並氣若游絲地回應：「有啲頭暈、肚痛。」至傍晚六時，Grace虛弱地步出醫院，由前藝人顏千汶接送，見其右手包上紗布，又用橙色披肩包着下身，疑似冇着褲。

林雅詩出院時亦精神欠佳。

在醫院吊鹽水的Grace面色蒼白。

全程呆滯的Grace透露餓足幾日：「今日都唔多食到嘢，昨日更加冇食過，覺得好頭暈。（送院經過？）今朝家傭拍極我都冇反應，懷疑腸胃炎就送我入院，本身諗住去香港島湊仔返學，最後都冇。」問到老公有否探望時，她一臉傷感，停頓30秒才說：「冇！（離婚影響你食欲？）有可能。（依家仲同老公住？）係。（返屋企會見到？）會。」顏千汶事後指Grace有着褲，是家居短褲，另因天氣凍而披上披肩。