周美欣日前擔正舞台劇女主角，搏盡的她以透視裝大跳火辣鋼管舞，扭腰熱舞時更不慎「晒半股」，場面香艷！她笑言已穿四條褲打底，但仍百密一疏：「綵排時仲太大動作而露底褲邊。（畀人睇蝕？）有男工作人員在場都冇辦法啦！」

密密苦練鋼管舞的周美欣，扭出S形身材。

獲多位女舞蹈員伴舞的周美欣，晒出半邊「月光」搶鏡。

跳上癮的周美欣揚言完騷後會繼續學。

文：影視組

前港姐周美欣日前首次演出舞台劇《蒲Pole》，即「擔大旗」做女主角，為此搏到盡的她多以Deep V透視裙或熱褲示人，又大跳性感鋼管舞及於台上獻唱。除狂晒S形身材及超長美腿外，美欣熱舞期間更不慎「露半股」，令現場旋即升溫！

學四粒鐘演六場

其後美欣受訪時笑言已着足四條打底褲，但無奈於綵排及公演期間依然屢次走光：「我嘅舞衣係一眾演員中最唔性感，已穿四條褲，但都露Pat Pat！綵排時仲太大動作而露底褲邊。（畀人睇蝕？）有男工作人員在場，但都冇辦法。」她透露只學了數小時鋼管舞便要開騷，最後不慎扭傷手指：「學咗四個鐘就要應付六場公演，教練覺得危險就要我戴手套跳，以防捉唔實條鋼管。（受傷？）雙手起枕，轉甫士時仲扭傷手指同撞瘀腳。」

變「大隻」都要跳

然而美欣卻愛上鋼管舞，故會繼續學習：「完騷後會同朋友繼續學，都擔心太高而跳得唔方便。」提到鋼管舞會令身材變得虎背熊腰？她笑說：「我膊頭闊，都擔心愈練愈大隻。（驚嚇走追求者？）咁唔怕嘅，去玩吓啫，最驚影響工作！」