已故藝人司馬燕丈夫吳忠義（Togi）早前連發兩則聲明，承認與北京女子Summer有過一段孽緣關係，稱是在司馬燕過世後才開始拍拖，拍拖四個月後，至今年9月分手，澄清自己並沒有做負心漢。但昨日又爆出原來Togi早在2013年曾與Summer合組公司S&T，Togi就此不作回應，其公關說：「佢哋的確曾組公司，計劃搞奶粉生意，但Togi好快就退出公司，佢冇交代退出原因，而喺佢退出前，間公司係空殼公司，冇任何資產。間公司個名S&T，意思係Sincere & Trust，做生意最緊要誠與信，肯定唔係乜嘢訂情公司，係美麗誤會。」