曾贏得中華文化小姐殿軍的模特兒黃煦珽，擅長彈琴、畫畫和書法，予人氣質才女的印象，她認為靚仔冇本心，揀伴侶最緊要有內涵及才華！

曾贏得中華文化小姐殿軍的Zeneta，擅長彈琴、畫畫、書法和跳舞，才貌雙全。

Zeneta不愛萬人迷，反而欣賞男士的內在美。

有「翻版李亞男」之稱的模特兒黃煦珽（Zeneta），擁有標致面孔及白皙肌膚，曾贏得中華文化小姐殿軍，自小已被家人培育成才女，擅長彈琴、畫畫、書法、跳芭蕾舞及拉丁舞，曾與香港管弦樂團合奏演出！她說：「我鍾意呢啲興趣可以練耐性、觀察力，的確令人哋覺得比較有氣質，對選美都有幫助。（屋企想栽培你做公主？）冇咁誇張，我冇公主病，但都想做公主，多人錫！」

充滿內涵的Zeneta擇偶條件亦不簡單，笑言靚仔冇本心，會欣賞男士內在美：「都希望對方多才多藝，大家識唔同嘅嘢，可以互相學習！（點解唔欣賞靚仔？）呢個唔係我首要條件，我唔鍾意萬人迷，愈多女仔爭我就愈唔會鍾意，我欣賞默默耕耘嘅男士。」

佩服爆肌家輝

Zeneta曾參與大製作《激戰》及《賭城風雲Ⅱ》，先後與影帝張家輝及周潤發同場，她大讚兩位前輩冇得頂！她先讚周潤發超好人，榮幸能與偶像見面。至於家輝，Zeneta見證對方當時一身爆肌，兩人合照更一度在網上被瘋傳！她說：「當時家輝嘅肌肉真係好勁，好驚訝！開頭唔認得佢，好佩服佢喺片場隨時都準備就緒。」

黃煦珽（Zeneta） Profile

身高：1米70

體重：50kg

三圍：33C、24、35

文：立影

攝：劉斌