洪永城、蔡思貝及朱晨麗等昨日為無綫新劇《味想天開》拜神，提到早前黃秋生彈陳凱琳揸槍眼神猙獰，蔡思貝說：「冇睇報道，畀意見新人都係好，我都有睇《張保仔》，覺得陳凱琳做得好，古仔又好，可能佢本身對眼精靈，大眼睛有神嘅！（秋生有冇畀意見你？）佢話做戲要將自己優點放大，自己好多缺點，容易打沉、易熄機，可能係水瓶座較情緒化，秋生都教打沉咗就聽音樂紓緩。」

洪永城今次與蔡思貝（右）和朱晨麗兩位靚女合作，但自嘲眼細唔過電。

《味》劇台前幕後切燒豬，氣氛熱烈！

而先後與陳凱琳及蔡思貝合作的洪永城說：「佢哋各有精彩、各有特色，陳凱琳充滿力量，思貝眼神利啲、迷人啲，但我對眼太細過唔到電。」單眼皮的洪永城又即場表演變成雙眼皮：「孖生兄弟角色我可以做晒，我對眼都可以好有電力，但呢期興韓風，都係單眼皮Man啲。（女友唐詩詠鍾意單定雙？）我有整過畀佢睇，我諗佢鍾意單眼皮，自然啲。」