現年46歲的陳浩民與老婆蔣麗莎結婚4年，育有兩女一子，浩民昨日出席電視劇《新濟公活佛》發布會時宣布太太已懷有第4胎，BB預計明年夏天出世，四年抱四的他暫時未知BB性別：「係仔係女都冇所謂，健康就得。」

陳浩民與蔣麗莎四年抱四，相信好快就可以生夠一隊足球隊！

問到獲封「多仔公」，是否有獨門秘訣密密生？他笑稱沒有進食補品，亦沒特別秘方：「應該係小朋友同我哋有緣，排住隊入嚟我哋個家庭！」他不忘感謝老婆的無私奉獻：「做兄弟都係兩肋插刀，但老婆就每年一刀！（開四刀冇問題？）前3次都係同一個刀口，所以個肚唔會花晒，到時再睇吓醫生點安排。」問到如此努力「造人」，是否打算十年生十個？他笑說：「政府都話最好生五個嘛！我最聽話！（養一個要400萬喎？）所以努力喺內地工作囉！」