古天樂昨日45歲生日，容祖兒、吳君如及古巨基等一班好友前晚為他舉行生日飯局，基仔在社交網站上載了一段開P片段，古仔切生日蛋糕及吹蠟燭時，君如發揮搞笑本色大叫：「快啲娶老婆！」祖兒則非常有創意，祝古仔「皮膚日日都咁黑」，其後眾人向古仔送吻，壽星仔任錫唔嬲！當祖兒與古仔合照時，古仔兩度叫祖兒男友劉浩龍入鏡，惟最終未能成事。

王菀之獲好友張敬軒背抱打氣。

此外，祖兒日前專程到王菀之（Ivana）的音樂會捧場，由於今次Ivana與專業的香港管弦樂團合作，所以零舍緊張：「我有三日冇好好咁正常食飯，因為一食嘢就屙！我食緊感冒藥壓制住啲菌先，不過好在食藥可以保持把聲狀態好啲，其實肚屙都好呀，咁唔怕着唔落件衫。」