《英皇新秀歌唱大賽2015總決賽》前晚舉行，經過多個回合後，最後由9號張可永奪冠，贏得「英皇娛樂集團藝人合約」一份。師兄師姐包括羅力威、洪卓立（Ken）及泳兒（Vincy）等到場為參賽者打氣，羅力威受訪時被問到日前被《好報》拍到與女友雨僑行街，但當場黑面，他解釋當時只是愕然而並非黑面，隨即又大講爛Gag：「有黑面我唔怕講，呢個係個人風格，可能有一日我能夠代言到牙膏。（依家唔怕公開戀情？）我平常都唔張揚私人事。」

羅力威「黑面」黑到變個人風格，索性自我抽水！

而日前是Ken女友湯怡生日，他表示當日一齊煮海鮮大餐，但沒有送禮物給女友，因為他倆講好生日不送禮，只有情人節才送：「但我暗啞底都成日送，當然我買咗唔會話佢知幾錢。」而Vincy亦是日前生日，她指最開心的禮物是收到男友送的小狗。