無綫斥資逾千萬元開拍的《愛情來的時候》第三輯，當中四個獨立故事將由佘詩曼、馬國明、黃翠如、周柏豪、洪永城及台灣演員演出，將在明年情人節播出。頭炮故事為上一輯阿佘和馬明的愛情延續，阿佘昨日受訪時稱期待今次拍攝：「劇中我係識講德文，雖然之前喺瑞士住過吓，識講啲德文，但都要練番個感覺先講到，對我嚟講係一項挑戰！」

佘詩曼與馬國明早已在《愛》片中合作，今次第三輯將再續前緣！

黃翠如與男友各有各忙，大呻相見難！

馬明坦言上次「舉手」望拍阿佘，如願合作後有好反應，今次知道開新一輯，更是上次故事的延續，他即報名希望演出：「可以同阿佘合作喎！梗係開心啦！我好欣賞佢，仲係我心目中女神嚟！（有激情鏡頭？）啱啱聽古仔就未有，我會搵編審傾吓睇加唔加到！」

至於翠如昨日出席書籍頒獎禮，稍後又要四出工作，坦言與男友蕭正楠相見很難，有指她為爭取時間與男友見面，不惜死跟他出席原是全男班的飯局，對此她說：「本身都唔止佢哋三個，張枱都好大，黃長興間餐廳新開張想支持吓。」