歌手可嵐昨日與老公及囝囝飛往加拿大玩，臨上機卻在微博狂呻：「上旅行社網買飛，大人同小朋友要分開買，點知買完大人同小朋友唔同艙，唔畀Check In，小朋友Upgrade要畀800美元，依家滯留機場。」本報記者致電查詢，可嵐指已解決：「航空公司職員話囝囝得4歲半，唔可以一個坐飛機，建議我畀多800美金Upgrade，我覺得唔合理，最後佢叫我哋三個一齊Downgrade坐經濟艙。」
