胡定欣昨日拍廣告時獲贈視后獎座蛋糕，她表示有信心封后：「提名咗先，但係要畀信心自己！」而熱愛運動的定欣又「蜜」認身材弗過男友陳明道。

預先收視后獎座蛋糕「攞彩」的定欣，會給自己信心衝擊視后。

深得廣告客戶愛戴的定欣，抖足精神兼執到靚開工。

胡定欣昨日到西貢拍攝維特健靈健康食品廣告，期間喜獲工作人員送上視后獎座蛋糕，預祝她於台慶頒獎禮上封視后。一臉驚喜的定欣表示會給自己信心：「我每次有劇出，客戶都會落重料喺公司落廣告，希望品牌No.1！（有信心攞視后？）提名咗先，但係要畀信心自己。」

操埋老鼠仔

問到身材弗爆是否為拍廣告而落力操練？定欣笑言身材比男友陳明道更弗：「依家有馬甲線同老鼠仔。（同男友一齊做？）佢自己都有，不過我弗啲！ 」

未約滿！拍劇開Turbo

對於近期無綫花旦相繼約滿，更有指徐子珊獲三千萬利誘過檔，定欣表示同事有新需要及方向而停下考慮亦屬正常，又自爆與無綫的合約尚有一段時間，故會繼續努力拍劇。提到《城寨英雄》拍檔伍允龍及劉佩玥傳緋聞，她說：「咁快？我唔知，我哋拍得如火如荼！」

文：影視組