洪永城（Tony）、陳凱琳（Grace）、陳展鵬及黃智雯等昨日在帆船上出席新劇《張保仔》宣傳活動，眾人穿上古裝戲服，Tony與Grace的緋聞慘被擺上枱，當Grace從寶箱抽出劇中老公人選時，Tony說：「希望唔係嫁畀我啦！」展鵬笑說：「你肯（唐）詩詠都唔肯啦！」最後Grace抽到要嫁山聰，山聰即說：「你唔嫁得畀我！我又唔係Kelvin（鄭嘉穎）！」問到收視好會如何報答觀眾？Grace笑指Tony應跳海，Tony說：「咁不如着波叔嗰條啦（吊帶泳褲）！收視過40點就着！」

陳凱琳和洪永城玩到用刀架頸又叉頸，好有火花！

陳展鵬海盜上身，即場爬船上的繩網。

而Grace不否認與無綫簽長約，但未有透露年期，只表示對內容滿意，問到有否與男友鄭嘉穎討論？她說：「嗰時未識佢。」又替好友陳瀅兩年賺200萬元感開心。而展鵬與黃智雯亦被指與無綫簽長約，二人笑笑口否認，展鵬表示若再加簽長約已可領退休金，黃智雯則承認有見樂易玲傾新約，問到會否考慮結婚因素？她說：「呢啲係女仔必經階段，TVB係首選。」