早前親臨澳門新濠影滙綜藝館，並透露將於11月7日舉行演唱會的郭富城，原來門票資料已悄悄於Facebook公開， 其《舞臨盛宴夢幻距離澳門站演唱會》將於本月22日公開發售，票價由680至1,580港元不等。由於城城已強調會在「夢幻」距離與粉絲全接觸，又表示這將是他首個設立搖滾區的演唱會並承諾與歌迷「以歌會舞」，消息在Facebook發布後，粉絲立即讚好，並留言表示非常期待城城的演出！

城城澳門騷的門票本月22日公開發售。

郭富城會打響頭炮，成為首位在新濠影滙開唱的歌手！

對於國際天后麥當娜將於明年2月在同一場館開騷，城城說：「以前喺華納唱片時代我同麥當娜同公司，但未有合作機會。我都熱愛舞台藝術，當然好欣賞麥當娜呢位舞台女王喺舞台上嘅超亮麗舞台視覺效果，特別係佢嘅舞蹈，每部分都有主題，真正超乎聲色藝，所以有機會我一定會去現場欣賞，有好大可能會去澳門站！因為因緣際會，我同佢算係間接喺澳門同一個嶄新嘅演出場館結緣。澳門新濠影滙綜藝館，係希望打造成一個世界級表演者嘅舞台，其實我十分榮幸能夠喺佢演出之前嘅11月，喺呢個場館舉行佢哋嘅首場演出，即係我嘅個唱，所以我嘅團隊已經全情投入，設計全新舞台同視覺效果！」