張繼聰角色亦正亦邪，加上大量內心戲及動作戲，被監製高度評價演出達95分，阿聰謙稱：「好多謝監製，但我諗95分當中有7、8成分數係屬於劇本、其他演員、台前幕後嘅功勞。今次好幸運，因為大家拍得好投入、好有心。同楊怡雖然係第一次合作，但開工第一場已經好有默契，阿怡真係人又靚、性格又好嘅好演員。我同林夏薇都好多對手戲，我哋好快建立默契，薇薇演戲功底好好，我相信套劇播出後，佢個角色會令好多觀眾對佢另眼相看！」阿聰劇中除周旋於兩位美女之間，亦要與情敵楊明聯手破滅犯罪集團，動作戲連場，其中一場更要與楊明合力對抗囂張跋扈的探長黃子恒，阿聰說：「今次好多打鬥戲同槍戰，仲係空彈真槍咁拍，好刺激，好震撼！我哋用咗好多心機去設計場面，呢次經驗好難忘，我都好期待播出嗰陣睇番！」

劇中張繼聰不乏打鬥及槍戰場面。