雨僑前晚出席活動時，獲緋聞男友羅力威忠實粉絲上台獻唱情歌，粉絲更即場向雨僑表示希望她與羅力威早日有情人終成眷屬，雨僑即尷尬掩面說：「未有咁快！」 文：影視組

劉馬車祝雨僑快啲有情人終成眷屬，搞到雨僑又笑又怕醜！

連粉絲都催婚喇！羅力威，識做啦！

同場的唐貝詩性感現身，穿花花裙谷胸上陣。

雨僑、張建聲及田啟文等前晚為電影《猛龍特囧》擔任「香港網絡男神選舉總決賽」評判，大會邀請了網絡紅人兼羅力威忠實粉絲劉馬車上台獻唱《雙子情歌》。劉馬車受訪時說：「我好鍾意羅力威……（吓？）啲歌！佢哋係郎才女貌。（向雨僑催婚？）人哋感情事，唔知進展點。」台下雨僑碰見劉馬車時，二人先握手和合照，劉馬車向雨僑說：「我都好鍾意威威，都好鍾意你，你哋好襯，希望快啲有情人終成眷屬，都想同你合作。」雨僑即尷尬掩面，只懂傻笑。

唔覺威威花心

雨僑被問到劉馬車是否獻唱羅力威歌冧她？她笑說：「冧唔到，表達方式唔同，首歌係講花心。（羅力威唔花心？）OK啦！（粉絲想你哋結婚！）未有咁快！」劉馬車獻唱時聲線與羅力威十分相似，可惜高音位一度失準走音，評判田啟文指他唱功雖流流哋，但有喜劇細胞。

而張建聲透露父親於上星期一癌病逝世，他對痛失親人表示十分傷心，日後會好好照顧母親，婚後也會同母親住。另外，參賽者9號鄧嘉傑最終脫穎而出奪「網絡男神」獎項。