陰風吹甩妝 迪子唱鬼歌驚到震

創作歌手迪子為配合農曆七月十四鬼節創作了新歌《人間鬼獄》，今晚再以MV中的「巨咪紅衣鬼」造型現身銅鑼灣、中環、尖沙咀及旺角玩快閃獻唱應鬼節，她日前到元朗荒廢屋拍MV時更疑撞邪被陰風吹面，嚇到她及化妝師全身毛管戙。昨日她接受電話訪問時，心慌慌表示拍攝時遇怪事：「本來間屋冇風又熱，但我補妝時，有陣陰風吹落我塊面度，我同化妝師覺得有啲『嘢』喎，好驚囉！全屋都掛滿好多黑白舊相，工作人員話應該係過咗身嘅屋主。」