張敬軒前日與一班小演員於深圳拍攝英皇電影《燦爛這一刻》，軒仔透露早前到外地取景時遇上「村霸」，劇組向當地農民租借地方拍攝，事前雙方已傾掂價錢，但拍攝期間，屋主的家人因不滿價錢而大吵大鬧，租金從一萬八千人民幣「坐地起價」至十五萬人民幣！

軒仔在新戲中要跳舞，呢個甫士夠台型呀！

軒仔和一班小朋友一同拍戲，笑言喝到聲沙。

在內地拍戲遇上「村霸」，令軒仔非常不滿。

喝唔掂小演員

軒仔表示屋主家人更扣留劇組總值逾300萬的攝影器材，結果要報公安：「佢逼製片立紙、壓指模，咩事呀？（唔敢再去內地拍戲？）唔會，比較失望係當地機關都幫佢哋，我哋畀嘅錢夠佢重新起過間屋。」談到首次擔正男主角，軒仔表示每日開工十多小時，舞步也是邊拍邊學，面對多位小演員，軒仔笑說：「喝到聲沙，佢哋轉數又快。（令你唔想生？）直頭驚！」