謝婷婷、劉心悠、徐子珊及導演吳家麗前晚出席靈異電影《有客到》首映，婷婷父母謝賢及狄波拉驚喜現身，引來起哄，場面一度混亂！謝賢笑晒受訪並指專誠撐婷婷：「梗係！唔係撐邊個？話晒係佢頭幾部戲。（驚睇鬼片？）我？我咪鬼囉！我成日搞鬼！」但問到怒摑曾江一事，謝賢開始落閘，問到《4個小生去旅行》何時有飯局？他說：「睇大家幾時得閒！（約埋曾江？）咪提呢個人！好冇？畀我開心啲！」婷婷表示是爹哋主動要求前來，對於被搶鏡，她笑說：「請得佢嚟預咗。」又透露有看《4個小生》中爹哋做太空人一集：「戥佢開心多過驚，見到佢笑到好似細路哥咁，我感動到想喊！」

謝賢與拉姑現身撐女兒婷婷新戲。

女主角徐子珊抱假貓到場。

而《4個小生》第九集今晚播出，節目中除了坐輪椅的曾江外，其餘三人都需搬運大量行李攀梯涉路，謝賢抵死向胡楓提議：「下次我哋都坐輪椅。」