藝人林芊妤（Coffee）日前忙於宣傳電影，平日開班教瑜伽的她自爆因而遭學生投訴「潛水」，故特地拍下多款怪樣「耍冧」！只見Coffee趁化妝空檔做出嘟嘴、瞇眼、伸脷及傻笑等表情，努力「賣萌」的她力求粉絲原諒！表情多多的Coffee預告會頻頻Update網上瑜伽教學影片：「完咗宣傳會教多啲瑜伽，仲會拍片上網做教學！我呢排仲同人傾生意，投資同瑜伽有關嘅嘢！」提到於影壇備受注目，她正苦等適合的劇本及導演：「我好鍾意拍戲！有得拍係Bonus，冇就順其自然！」

嘟嘴「賣萌」的林芊妤，實冧死宅男啦！

伸脷扮Cute的林芊妤（左）與化妝師整心形手勢合照。

林芊妤傻笑向瑜伽學生「耍冧」。