離鄉別井、父母遠在溫哥華、隻身留在香港工作的2013年國際中華小姐冠軍鄧佩儀,入行兩年只與吳業坤傳過緋聞。年僅22歲的她從未想過找男朋友依靠,希望靠自己闖出一番事業,成為出色的演員。擁有女強人思想的鄧佩儀更揚言:「30歲之後先結婚!」

年僅22歲的鄧佩儀,現時為事業衝刺,不希望靠男人!

參選華姐已穿過三點式的鄧佩儀,絕不介意健康性感。

徐子珊(左)與鄧佩儀於《點金勝手》結片緣。

黃宗澤

鄧佩儀視同為華姐冠軍的鍾嘉欣為目標,希望假以時日成為出色演員。

吳業坤與鄧佩儀一同主持飲食節目《搵食飯團》而傳緋聞。

小時候,鄧佩儀曾以玩具剪刀為哥哥Mark恤髮。

今年是前華姐冠軍鄧佩儀(Gloria)入行第二年,早前傳出她於娛樂圈中的第一段緋聞,對象正是主持飲食節目《搵食飯團》的拍檔吳業坤,對此Gloria顯得毫不介意:「幾得意呀!好搞笑,係一個好好嘅回憶。」她事後解釋當日大隻仔(溫家偉)亦在場,碰巧她與吳業坤站在一齊,因而傳出緋聞。

情傾孝順男

年僅22歲的Gloria對婚姻明顯不太憧憬,反而以事業為重:「我想30歲之後先結婚,依家事業為重先!(對另一半有咩要求?)最緊要錫自己!同埋夾得埋,如果孝順就會加分,錫屋企人嘅男生都唔會壞得去邊!」

縱然現時與父母分隔兩地,隻身留港工作的Gloria,絕不希望因此找個男友照顧她:「我覺得靠自己好啲!擁有自己嘅事業,好多朋友都會話我有女強人嘅思想。」Gloria揚言因為母親平日不依靠父親,令她自覺女人應靠自己。

目標鍾嘉欣

提到圈中的「目標人物」,Gloria瞄準同是溫哥華出身的華姐冠軍鍾嘉欣:「佢演《皆大歡喜》開始,到《人生馬戲團》做女主角,我都有睇佢做戲,我視佢為我嘅目標,如果有機會去到佢個演戲水平,我覺得好好,不過我知道係需要時間去浸!」

偶像黃宗澤

Gloria的偶像是從小學開始鍾情的黃宗澤(Bosco),在其處女電視劇《點金勝手》中,她有幸飾演Bosco妹妹,絕對是意想不到!她現時主要擔任節目主持,她一直希望能夠成為出色的演員,雖然曾嘗試的角色不多,她最想挑戰扮演心理變態的女人:「內心變態,令人心寒嘅,哈哈!但就冇諗會唔會墮入角色而黐線。(性感演出?)之前選港姐都試過三點式,只要健康嘅性感都OK!」演戲生涯短暫的她,暫時對獎項沒抱有任何期望及要求。

百厭星幫阿哥恤髮

一直與哥哥Mark兄妹情深的Gloria,原來小時候是個「百厭星」,她回想起童年的一件趣事:「嗰陣時玩緊玩具剪刀,估唔到可以剪到頭髮!我將哥哥嘅頭髮剪到一撻撻,之後爹哋同媽咪返嚟見到,即刻嚇親,但已經太遲,惟有帶哥哥去髮廊執番正個頭,哈哈!」