演員王宗堯早前成立了製作公司，但收入大增的他表示會節衣縮食以作投資，又揚言幕前方面希望能做影帝劉青雲的接班人！

Ashina又騷長腿又晒玉背，至索係你！

Greg玩劍玉玩到嘟晒嘴又眼凸凸，相當搞笑！

劉青雲

外籍型男喺正頭頂示範玩劍玉，嚇到Ashina雙手掩面！

新一代男神王宗堯（Greg）前晚出席活動，雖然今年收入大增，但未有即時受惠，他說：「我會將所有收入投資喺製作公司，每個月出番萬幾蚊畀自己，要節衣縮食。（買咗部新車？）架車係公司，我夜晚兼職司機車同事。」又透露將會和唱片公司合作，花8至10萬為一隊樂隊製作MV：「想打響頭炮，想做啲香港少有嘅Project，依家冇人做！」

男神女神有望合作

近年在影視界頗吃得開的他大嘆青黃不接，望有更多港產片和新人入行，問到自覺是誰的接班人？他說：「唔知接邊個，希望接劉青雲。（想簽新人？）做經理人好難。」提到他所屬經理人公司與周秀娜所屬經理人公司合併，問到會否想與女神合作？他說：「有機會先，佢會拍我公司開嘅戲，但唔知我有冇份。（自薦？）角色適合先，戲路唔啱就咪夾硬，觀眾睇得唔舒服。」

郭奕芯偏愛魔術男

Greg昨日亦與性感女星郭奕芯（Ashina）到旺角出席另一活動，並即場試玩日本劍玉，他的好拍檔周家怡因工作未能出席，Greg說：「我會替佢捐一半薪水做慈善！」郭奕芯則指劍玉難玩，問到男友會否玩劍玉氹她開心？她說：「我鍾意魔術多啲！」