黃心穎、汪明荃及劉松仁等，前晚到尖沙咀食飯兼收看劇集《華麗轉身》結局，心穎被問及感情生活時，腦袋似乎一片空白，竟口窒窒回應，認真搞笑！

黃心穎提起感情生活即爆頭兼口窒窒，係咪心虛先？

《華麗轉身》的台前幕後出席飯局，齊齊睇大結局。

藝人黃心穎、汪明荃（Liza）及劉松仁等前晚相約到尖沙咀，齊齊食飯兼收看《華》劇結局。

提到早前被拍得與經理人到九龍城開餐，心穎的腦袋竟然「轉」唔切，爆頭也記不起當晚與誰食飯，無私顯見私，令人懷疑她有心隱瞞事實，但她口窒窒否認有新戀情：「咩呀？冇呀！我成日食嘢！（有冇拍拖？）冇呀！依家真係以事業為重！（拍新劇《為食神探》，驚唔驚傳緋聞？）唔擔心，我同唯唯（梁烈唯）都唔係第一次合作，佢結咗婚，加上我哋係兄弟關係！」

至於Liza姐穿上一身潮服示人，並透露剛從橫店回港：「去咗探羅家英，又搭飛機，又坐幾個鐘頭車先去到，都幾辛苦！不過，我喺嗰度撞到林峯！（家英頂得順咁遠水路？）佢得！佢成日都話有咩辛苦得過着大戲衫！」

Liza姐 松哥盼再合作

她又透露最近正積極練功，為8月的粵劇演出做足準備，而她早前與蕭正楠及黃德斌合作的內地劇亦快將推出。此外，松哥表示與Liza姐已有深厚默契，期望再有合作機會。