無綫重播經典劇《大時代》，劇中演員跟住個勢翻Hit！接近23年後的今日，飾演童年「方展博」的黃寶龍已經34歲，成為家族書店繼承人，專注生意亦有意重出江湖：「當然想拍番嘢，做專業人士都好喎！」不過他指大前提是「精神書店」生意上軌道：「近兩三年見租金壓力咁大，想幫手搞網上宣傳、電台訪問。書店由阿爺喺1958年開始，回收二手書平賣，多啲有心人買到書睇，仲可以推動文化！唔想冇人接手又經營不善。」18歲結婚後離婚，有個16歲兒子，他承認與前度是在無綫認識：「佢做廣告我去Casting，最後溝通出現問題而分開。」現時有位拍拖三年的女友，但未想過再婚：「咁穩定就唔使心急啦！」

身為家族書店繼承人的黃寶龍，盼有機會「復出」幕前。

童年「方展博」昔日與「丁蟹」鄭少秋合照。