外表斯文、其實可以好Open的歌手岑日珈，在首張EP中，大玩勁爆Dreadlocks頭，突破轉行型格風！為了拍慘情MV，她更要淋雨兼浸足四個鐘凍水，為處女作去到盡！

Angie自爆為了拍慘情MV，要淋雨兼浸足四個鐘凍水！

Angie在新碟中轉玩型格風梳Dreadlocks頭，令她大感新鮮。

Angie渴望拍戲，更準備進軍影壇做笑星。

歌手岑日珈（Angie）推出首隻EP《AS...》，見證與幕後團隊的心血結晶面世，她自言既興奮又緊張！一向乖乖女的Angie，今次突破斯文形象，轉玩型格風梳Dreadlocks頭，令她大感新鮮：「梳個Dreadlocks頭，影相嗰日用咗4、5個鐘去整頭，當初都怕襯唔到，好彩效果出到嚟，自己同同事都覺得幾好，見到唔一樣嘅我。」

新造型傷秀髮

雖然新造型傷了一頭秀髮，但Angie高呼值得：「自己去買咗一支護髮素梳番開啲頭髮，整咗成個幾鐘先變番正常，不過好值得！」

在新碟中，Angie落力拍攝MV，為了更傳神地演出分手的傷痛，她變成「花面貓」之餘，又浸凍水又要淋雨，幸好年輕力壯的她未有病倒：「拍MV嘅時候要浸浴缸，浸咗4個鐘凍水，好彩冇病。仲有畀雨淋、搞到個妝花晒。當然分手會唔開心，但係未至於好似MV入面嘅情節咁瘋狂，冇咗男朋友就冇咗成個世界。」

撈過界做諧星

另外，一直渴望拍戲的Angie，不僅專注歌唱事業，更準備撈過界進軍影壇做諧星，她說：「公司會投資一部喜劇電影，年尾開戲，預計會做搞笑角色，其實係做番自己，唔好睇我外表斯斯文文，其實我都好搞笑！」