董嘉儀學揸車自認「LuLu」

「大埔LuLu」董嘉儀最近走出足球界轉戰車壇，擔任香港駕駛學院的代言人，早前還偕「銀人」MEG哥齊齊叫人學揸車。LuLu指今次出任代言人的其中一個任務是要學揸車，但她不懂駕駛之餘，就連玩賽車遊戲都是「有限公司」：「炒車啦、撞欄呀、倒轉行呢啲一定會發生喺我身上，我真係冇乜方向感。（有冇可怕坐車經驗？）我記得有一次坐朋友車，嗰日落住傾盆大雨，最可怕係個車頭水撥壞咗！我哋嗰日又接緊新娘好趕時間，車前面有咩根本睇唔到，嗰次真係好驚！」LuLu快將考筆試繼而學車，擔心上堂時會有人跟車令她特別緊張！