藝人張致恒（Steven）與簡淑兒日前為無綫劇集《波士早晨》拍外景，首次拍劇便做第三女主角的簡淑兒指既興奮又緊張：「我一得閒就睇劇本、記劇情同背對白，咁樣自然啲！」提到劇中的挑戰性場口，她透露有一場潛水戲，需於水底閉氣十多秒：「仲要張開眼，但我本身好怕水，所以要去學！」面對簡淑兒與林泳淘等新人，升呢「大師兄」的Steven不忘教路拍劇技巧：「我咪叫佢哋放鬆啲囉，一緊張啲戲就假喇！（同演情侶嘅簡淑兒有冇親熱戲？）做人工呼吸算唔算？佢係我秘書，後來慢慢鍾意咗佢！」提到被《東網》踢爆與莊端兒拍拖的他指現時感情穩定，讚女友不時煲湯勁細心，已視對方為結婚對象，但想儲更多錢才計劃結婚。

簡淑兒初次拍劇便與陳慧珊及張致恒等合作，獲益良多。