藝人車車(張紫櫻)早前到土耳其伊斯坦布爾,欣賞當地超級足球聯賽,感受著名球隊加拉塔沙雷的「地獄主場」威力,她說:「我曾經親身入場睇過英超,但土超畀我嘅感覺完全係另一回事!加拉塔沙雷踢過唔少歐洲賽,佢哋嘅『地獄球場』出晒名,呢次我去到睇波,由入場喺紀念品店買波衫嗰一刻,已經感受到嗰種『地獄』氣氛,啲球迷揸住架車未入到場就已經校低晒啲車窗唱晒歌,好大聲、好震撼!」她又表示當地球迷可能少見亞洲少女,加上着埋波衫支持主隊,結果大受歡迎:「猛叫我同佢哋合照,好彩主隊最終小勝一球,證明我冇剋住佢哋!」

車車遠赴土耳其睇超級聯賽,幸好撐主隊贏波,冇做「明燈」。

車車大受主場球迷歡迎,頻頻獲邀合照。