傅珮嘉淡出樂壇多年，期間經歷結婚生仔，直到2012年再踏台板一鳴驚人，但為照顧兒子，直到去年才改名「傅又宣」重新出碟。身份不同的她看輕得失，只求工作家庭兩者平衡。

傅又宣指組織家庭後心態改變，不再着重成績得失。

傅又宣指當年於創作路上迷失，決定淡出樂壇。

傅又宣於作品展重踏台板，重新獲樂迷賞識。

傅又宣為湊仔而押後至今年才復出。

自從2005年淡出娛樂圈後，歌手傅又宣（Maggie）於上年回歸樂壇，還棄用原名「傅珮嘉」，以藝名「傅又宣」跟聽眾見面：「過去用真名出現好多樽頸位，藝人有權擁有自己藝名，所以聽咗姓名學家意見改藝名。（有咩含意？）冇特別！只係新開始咋！」

為兒子調整壞習慣

談到當年的離開，Maggie表示創作路上一度迷失，最後決定暫停一下，先完成結婚生仔等人生大事。對於外界以閃婚形容，她慨嘆地說：「我喺呢行冇人留意，其實所有嘢都Ready好，30歲先結算遲婚喇！」歸於平淡的她直至於黃偉文的作品展中演出，重拾歌迷回憶，但未有立即燃起她復出的欲望，兩年後才決定推出新碟：「嗰陣個仔只有兩歲需要家人陪，所以選擇咗家庭，依家佢大個啲識理解，我先決定唱番歌。」

相隔多年再出碟，因身份上有所變化，Maggie坦言心態上沒以往般緊張：「得失嘅心輕咗，依家覺得歌手係責任，要做好本份對得住大家。」她指外間一直不看好自己，認為已為人母令吸引力下降，難在芸芸天后、天團出歌下突圍，然而卻在線上收費平台勇奪冠軍，讓她喜出望外：「冇諗過成績咁好！雖然競爭大，但只要歌好聽就唔會理你係咩人。」除了工作，Maggie亦重視家庭，坦言產後變得有耐性，為了做小朋友榜樣而將壞習慣統統調整，又感謝老公體諒自己工作，希望做到工作家庭兩者平衡。