鄧紫棋（G.E.M.）近年是非不絕，年初因紅館個唱安排而與香港傳媒鬧不快，被外界力數耍大牌的「宇宙天后」G.E.M.，日前接受本報獨家專訪，為是是非非解畫：「我覺得自己一啲都唔囂張同大牌，啱啱入行好多嘢係公司幫我處理，我只係負責聽話。我依家會開始投入多啲，可能會關心吓公司點同傳媒接洽、安排係點。一個團體，我開始有自己嘅意見，好多時溝通上要更加仔細。我成長嘅同時，背後嘅工作人員都會成長，一定唔可以喺跌倒過程互相指摘，因為一個團體應該一齊去檢討。」

G.E.M.在工作上由以往的「齋聽話」，變到現時會參與更多意見。

問到如何修補與港媒的關係？G.E.M.說：「關係呢樣嘢最重要都係真誠，當人哋直接接觸到你，你係真誠定係講官方說話嚟氹人，呢啲係會直接感覺到。唔理咩原因，好多時都有人阻隔咗我同其他人嘅關係，我會將呢啲嘢攞走，直接將自己展示喺人前。」