喜歡做創作的人從不把自己困於一個框框之中,詹瑞文便是一個很好的人辦,除了戲劇發展外,更嘗試開展歌唱事業,他坦言最享受在創作過程中玩即興,更因而對音樂上晒癮!

詹瑞文演而優則唱,更笑言已為音樂着迷。

在詹瑞文的唱歌學問中,歌曲旋律都要投入歌者的性格。

以演戲為主的詹瑞文(詹Sir)早前殺入樂壇出唱片,他認為不應該局限事業在某一個範疇,並將自己定位做喜歡創作的人:「咁多年嚟做好多同表演有關嘅嘢,無論電影、電視或者喺互聯網上面拍啲得意嘢,都係想用多啲新鮮嘅方式去表達對生活嘅一啲睇法!」他表示喜歡跟不同有創意的人合作,結交不同的朋友。

拒絕工廠式創作

詹Sir以往亦試過很多二次創作,但他這次推出原創歌曲,希望能進入音樂世界:「今次我喺歌詞創作上都有參與,當中經過好多過程,有啲歌做過好多個Version,唔會好似工廠式創作咁,所以我都好享受個過程!」他又指最重要是如何演繹歌曲:「如果淨係唱嗰個音好好聽,但旋律入面冇咗我嘅性格、態度,首歌可能唔係好適合我唱,所以點去唱係最考功夫!」他笑言現在完全對音樂着迷,希望繼續做音樂:「音樂好得意,可以玩即興,即時發揮,成個創作過程都好互動,同演舞台劇好似,唔會既定咗,我覺得有互動係必需嘅,有突如其來嘅嘢就係令我上癮嘅原因!」

突破困難 去得更遠

平日創意十足的詹Sir在創作過程中亦遇過困難,但他認為這些障礙是必須的:「好多人每次做創作會覺得唔順,Kick下Kick下咁,但佢唔出現就會冇一樣嘢令你去突破自己,所以我覺得呢啲困難係畀到挑戰我,等我可以去得更遠!」