曾演多部三級片的演員張建聲（Justin）自爆曾遇不屑的眼光：「會覺得我係三級片演員，唔專業、發明星夢。」去年他為電影《壹獄壹世界》增至200磅，早前宣傳時更大玩「踎監」，一向玩得捱得的他亦坦言過程不堪：「畀人望住冇晒私隱，感受係非筆墨能形容，直情崩潰！到依家過咗幾日，個人都唔係好精神、唔舒服，係痛苦嘅回憶。」雖然電影路難行，但無阻其演員夢：「演員嘅路一定會行落去，都付出咗咁多喇！又增肥又『坐監』，依家付出其他嘢都冇所謂！」累積不少拍攝經驗，Justin有信心挑戰更多內心戲，並說：「時機到、心態好、演技夠，人哋自然記得你。」

張建聲

增磅拍戲的張建聲，為電影付出不少。