昔日孖住模尹蓁晞（Yumi）推出寫真集的模特兒陳若嵐（Melody），早前離開舊東家，現已修畢學士課程的她重投娛樂圈：「啱啱畢業，讀完個心理學Degree，想做Councilor！嚟緊可能讀個Part-time Master。」她表示與舊老闆及「舊同事」趙碩之仍有聯絡，但寫真拍檔Yumi則零交流，Melody說：「好耐冇聯絡啦！同佢個前男友陳偉成熟啲，有時搵佢剪頭髮。」

Melody喜歡黝黑膚色，但因其妝容而被朋友指太MK。

擁越南血統的Melody曬得一身小麥色肌膚，陽光氣息濃厚，熱愛化妝的她更早已修讀化妝師課程，她說：「我鍾意曬黑呀，健康啲！不過有朋友話我好MK，因為我啲頭髮啡色又鍾意化濃妝。」