無綫藝員麥美恩曾參演早前播出的劇集《水髮胭脂》，她希望有更多拍劇機會，並想挑戰古裝及反串，而感情Dry爆的她露口風想找個圈外竹升仔拍拖！

鬼妹仔麥美恩主持節目生鬼得意，形象入屋。

麥美恩希望能多拍劇，挑戰不同類型角色。

近日被封「網民甜心」的麥美恩（Mayanne）坦承去年是豐收的一年，除了在節目《學是學非》表現生鬼而受觀眾歡迎，亦有機會參演劇集《水髮胭脂》，她說：「第一次喺劇有角色名，特別興奮，我喺入面專搞破壞同要扮惡，有時緊張唔知點樣演得好，但同劇演員相處得好輕鬆，又會教我點將感情流露得自然啲，成個過程好開心！」

難忘訪問里奧勒度

兼顧主持及拍劇工作外，Mayanne亦擔任娛樂新聞台主播，因說得一口流利英語，經常有機會採訪外國紅星，她最難忘與荷里活型男里奧勒度狄卡比奧（Leonardo DiCaprio）做專訪，雖然訪問時間極短，卻令她印象深刻，她又以黎芷珊為學習對象。而希望作多棲發展的Mayanne，想嘗試不同造型的演出：「嚟緊想挑戰古裝同反串，之前喺《學是學非》扮過男仔，覺得好得意！」

提到感情生活，她細數擇偶條件：「Prefer同圈外人拍拖，想了解多啲圈外嘅嘢，同埋自己鬼妹仔性格，都係鍾意搵番竹升仔，溝通都易啲！」