藝人孫佳君近月與法籍三星米芝蓮大廚男友Olivier愛得Sweet，身為兩子之母的她說：「依家可以話係我最開心嘅時間，小朋友大咗，我可以輕鬆啲，以前做家庭主婦，依家可以去做我喜歡嘅工作，單親媽媽湊小朋友嘅日子真係好Lonely！（兩個仔接受你男友？）男友其實都係個大細路，同我兩個仔好玩得埋，反而我融入唔到佢哋嘅世界，因為我唔鍾意打機、踢波。」她又爆男友用米芝蓮級廚藝贏盡人心：「我兩個仔都好鍾意男友煮嘅嘢食，我就好欣賞佢煮到好高難度嘅菜式，鍾意佢煎嘅牛扒、沙律同海鮮。（你同佢一齊煮飯仔？）唔會，我會好大壓力！（考慮再組織家庭？）識咗6個月，未諗到咁長遠，但我兩個仔好鼓勵我做我喜歡嘅事！」

孫佳君有男友錫，梗係開心！

對於在電影《雛妓》中演蔡卓妍（Sa）母親備受讚賞，孫佳君說：「起初叫我做佢媽咪，朋友都覺得好奇怪，但劇情講係回憶嘅，有場講我喺阿Sa房喊，我唔係易喊嘅人，好多謝邱禮濤導演解釋得好好，帶到我入戲。（要老妝示人？）我鍾意真實感，唔使次次都靚樣示人嘅！（冇提名感可惜？）我OK，等下次囉！」