黃翠如日前以清爽夏日Look出席活動，快與男友蕭正楠拍拖滿一周年的她向《東網》ontv大呻與男友冇時間見面：「差唔多（一周年），但我哋都要開劇，好少見面，連約一晚食飯都冇！不過都好，各自有工作，我手上有五、六個代言。」

黃翠如日前出席活動時母愛氾濫，對小女孩照顧有加。

問到翠如怎樣慶祝拍拖一周年，她笑言送一打沐浴露給男友及其家人：「因為佢鍾意香味，佢身上仲有金梅片味！我會送埋畀佢家人。（行屋企人政策？）我哋都鍾意實用。（同男友食飯慶祝？）我好想呀！不過到月尾都冇時間。」她更怕醜地否認想與男友玩鴛鴦浴，兼且嫌家中廁所細：「香港好難搵咁大個浴缸，要儲錢買個大廁所。（終極目標係玩鴛鴦浴？）係買大廁所！」