懷孕7個月的名模周汶錡（Kathy）臨盆在即，她透露將於下月底入院開刀分娩，怕寂寞的她更要法籍老公Julien Lepeu陪入產房，全天候陪瞓兼陪伴，「金叵羅」出世，Julien又怎會Say No？

懷孕7個月的Kathy着4吋高踭鞋，真係要寫個「服」字畀佢！

已為人妻的黃婉君翹實有型男模合照，令人羨慕！

名模周汶錡、黃婉君及馬詩慧等昨日出席品牌活動，懷孕7個月的Kathy照樣穿上4吋高跟鞋，問到BB快出世，是否很緊張？她說：「緊張！BB愈大，（肚）空間愈少，（BB）郁動好似想爬出嚟咁！好驚！下個月都係唔出咁多街，下星期Check吓（BB）掉轉頭未。」

黃婉君拒生「第三件」

她透露6月底、7月頭便入院開刀，問到老公會否放假陪伴？她說：「佢要陪全程，一定要入產房，但唔畀佢剪臍帶，佢要陪瞓，我一個人好寂寞，一定要陪我，生仔好偉大。（餵人奶？）等出咗世先決定。」

而育有4歲及2歲兒子的黃婉君身材Fit爆，她透露平日做瑜伽及跑步，老公則愛爬龍舟，二人運動後都會互相讚美。問到母親節如何慶祝？她說：「今年特別啲，兩個小朋友大，老公同佢哋喺房秘密整嘢畀我。（再追BB？）唔諗住，第3個怕會偏心，因為之前兩個都有餵人奶到1歲，第3個未知有冇能力，我想公平啲。」

另外，資深公關鄭紹康日前舉行生日派對，Kathy亦有出席，嘉賓還有周麗淇、汪詩詩、汪圓圓、馬賽、林德信、徐濠縈、薛芷倫、邱子傑夫婦、盛品儒夫婦、趙式芝和楊如芯等，場面熱鬧。