羅鈞滿「新女」 係峰騷空姐

羅鈞滿入行六年，星途一直麻麻，其代表作可說是與無綫新聞小花張文采拍拖。不過，羅鈞滿日前被本報獨家拍得在尖沙咀一間酒吧夜蒲獵兩女，一王兩后齊齊飲嘢吹水，更與其中一名身穿露肩裙的長髮女有捉手仔等拉扯動作，非常親暱！

羅鈞滿有新聞小花女友都不夠，仍溝索女，即辣網友發動網上起底組，人肉搜尋起長髮女底，極速起出長髮女一號英文名是Sylvia Lam，其Instagram有多達一萬三千多名追隨者。疑似做空姐的Sylvia勁有鄰家女孩Feel，不時上載大騷秀髮、長腿和甜美笑容的照片，她在萬聖節時更會扮成性感小野貓，去旅行又會大晒索爆比堅尼照。胸腰腿有齊，加上空姐一職，要收兵話都冇咁易！

稱女友冇呷醋

至於男主角羅鈞滿昨日在將軍澳電視城開工，即被傳媒追訪，他否認在夜場溝女，更死撐當晚身處的並非酒吧而是餐廳：「同同事食飯咁啱撞到以前讀書嘅師弟，嗰兩個女仔係師弟嘅女朋友。（玩到好熱情？）冇！我雙手插喺袋o架！」他又指女友絕對信任他，沒有詐型：「唔會呷醋，佢知道相片好多只係事實嘅一部分，自己都好少去蒲。」

樂瞳取笑熱情

與羅鈞滿非常老友的女藝人樂瞳笑對方向來熱情愛識朋友，但為人不花弗，自爆平日會一齊唱K及飯敍，認為只是正常社交活動：「可能男仔同女仔出街就易惹人誤會啫！以我所知，佢同文采都幾穩定。（覺得佢份人唔定性？）唔係吖！佢思想幾成熟，唔花弗，只不過鍾意擴闊圈子，唔係周圍撩女仔嗰隻。」跟羅鈞滿同屬「星夢幫」的鄭世豪表示大家甚少談論感情事，但覺得他不似花弗男。