模特兒曾咏（Winnie）向來對美容護膚甚有心得，更曾推出兩本相關書籍。近年大吹韓風，與時並進的Winnie到韓國實地考察當地的最新美容趨勢，以便推出第三本美容書。Winnie說：「提起韓國，大家就會諗起整容，但除此之外，當地嘅護膚品同非入侵性嘅療程都流行。」她介紹近年在當地興起的「水光療程」：「美容師會用多效彩光，再連續做五日嘅骨膠原導入，令塊面好似打咗蠟咁令！香港雖然都有得做彩光同骨膠原導入，但就未見過二合一，而且喺韓國，當你買咗個療程之後，佢哋會幫你做埋皮膚護理，包埋普通Facial，好全面。」

到韓國考察最新美容趨勢的曾咏，正搜集資料籌備推出第三本美容書。

曾咏在韓國美容院試做療程，順便追韓星！

Winnie在當地美容院更遇上不少韓星：「間美容院係一個韓國藝人帶我去，佢話呢間美容院有韓國藝人去幫襯，我初時都有少少懷疑，因為間美容院地方唔大，好家庭Feel，但坐咗十分鐘真係有好多韓星出出入入，而且佢哋完全唔介意畀你知道佢哋喺度，好大方，所以大家去韓國做療程嘅話可以順便追埋韓星！」