38歲人妻歌手謝安琪（Kay）被《好報》踢爆拍攝無綫劇《殭》時頻頻NG，可能是首次孭飛拍劇未習慣，引起對手陸永不滿。Kay昨日透過短訊平反：「我有個花名叫『One Take霞』，好多時都一Take搞掂！」並於微博澄清熟讀劇本，而且沒有向對手黑面。陸永表示已認識Kay多年，感情不俗，問到Kay拍攝時是否特別緊張？他說：「我哋個個都咁緊張，緊張就啱喇！呢部劇去荷蘭拍外景，又好認真喎！」又指有聽過「One Take霞」這個綽號：「我就係『One Take權』，仲有『One Take穎』（鄭嘉穎）！（你黑面？）冇啦！我邊有資格！」陳嘉寶表示Kay預備充足，更找了一名舞台劇演員幫手睇劇本。至於又南坦言與Kay對手戲不多：「唔係特別話好多NG！」

Kay澄清熟讀劇本，更自爆花名「One Take霞」平反。

黃又南（左起）、陳嘉寶及陸永前晚繼續為新劇開工。

《好報》猛料如雲，除獨家披露「星二代」戀事，又踢爆Kay拍新劇狂NG。

另外，前晚陳嘉寶、黃又南及陸永到西環貨物起卸區拍攝殺殭屍戲，首次拍動作戲的陸永獲讚打得最神似，嘉寶即取笑他可以邊Rap邊打殭屍。