組合草蜢成員蔡一智（阿智）日前在微博上載多張行山照，其中一張石級刻有「蔡一智逆走」及「YAY」字樣，隨即被網友批評破壞公物，阿智昨日急急認錯及公開道歉：「Sorry For Concern。」

知衰的阿智迅即刪除博文，並向公眾道歉。（資料圖片）

阿智日前相約天后容祖兒、梁漢文夫婦、張智霖夫婦及黃佩霞等好友行山，眾人沿途不時停下腳步拍攝眼前美景，成功征服三個山頭！他們當晚分別將相片上載到個人公開網誌大晒「威水史」，阿智的其中一張石級相卻惹來破壞公物之嫌。

梁漢文「兄弟幫」清場

相中的兩級石級刻上「蔡一智逆走」及「YAY」字眼，由於不少網民留言指破壞公物，阿智為免麻煩即火速刪除博文。而他昨日就事件公開認錯，承認親手在梯級上用石頭刻字：「作為公眾人物係唔應該做啲咁嘅行為，如果我喺未來日子再行一次，我會親自清理番。」隨即道歉：「同所有朋友講Sorry For Concern，作為公眾人物唔應該咁做，我會負責呢個問題，以此為鑑！」

至於當日與阿智一同行山的梁漢文則透過電話錄音回應事件，他表示當日因為要陪老婆，所以行得比較慢，未有看到對方刻字上去，但作為兄弟會共同進退：「如果阿智上去抹番，我都會陪佢行番上去，陪佢一齊抹番佢！」

最高刑罰判監十年

對於網友質疑阿智在石級刻字是否觸犯法例，梁永鏗律師表示：「如果刻意破壞公物可能觸犯刑事毀壞，最高刑罰判監十年，當然要視乎破壞程度同意圖。」至於阿智回應時指只是用石頭在青苔表面刮字，梁律師說：「要睇郊野公園附例會唔會將青苔定義為郊野公園附帶物嚟定斷。」而阿智表示會補救覆蓋刻字，這會否構成第二次破壞？梁律師表示要視乎實際情況而定。