曾勵珍前晚出席祝捷會時讚三名男演員張振朗、黃子恆及李豪有潛質，張振朗昨受訪時說：「佢年中都見唔少人，若然佢讚我哋幾個，我只可以繼續努力，唔好令佢跌眼鏡，做好自己同嚟緊嘅工作。」他亦非常贊成無綫培養接班人，並希望趁後生有機會拍青春劇：「可以好似以前《衝上雲霄》咁，幾個新嘅後生仔一齊玩，大家可能撞出新火花都幾好，我都十分贊成培育新人。」而成功憑劇集《愛·回家》入屋的李豪則稱未有壓力，正努力操肌的他又希望飾演成熟的角色：「我反而覺得有動力，令我更加唔想令人失望。（期待力捧做小生？）有機會就最好啦!做藝人梗希望做得更好。（怕同期嘅眼紅？）唔會，大家都開心，會互相恭喜。」

張振朗