已育有一子的前港姐翁嘉穗相隔15年再度有孕，她昨日懷着六個多月身孕出席活動，揚言懷孕屬計劃之內：「向來都有計劃生多個，但就唔係咁刻意。（呢胎仔定女？）醫生話係仔。（生埋呢個就封肚﹖）都係，如無意外。」她表示大仔知悉將成為哥哥後大感高興，問到會否擔心他們有代溝？她說：「唔會，可能仲好啲，大仔識得照顧細佬，而且佢開始大個仔，唔鍾意黐住我，依家有個BB黐我。（會唔會佗得好辛苦﹖）比起第一胎當然冇咁輕鬆，但尚算OK，係條腰有啲痠，重咗十磅多啲，我有食花膠養胎，已經安排好陪月同工人，預計會開刀生。」

懷有身孕的翁嘉穗和老公鄔友正齊齊現身活動見男神。