早前羅仲謙與蔡思貝傳出緋聞，令楊怡呷醋，但昨日思貝與謙仔同場見面冇尷尬，謙仔見同樣與思貝傳緋聞的溫家偉，跟吳若希抱抱玩得如此瘋狂，亦加入起哄行列，懶理緋聞女友思貝的感受。

蔡思貝成個膊頭貼住羅仲謙，果然一啲尷尬都冇！

蔡思貝望住羅仲謙甜笑！

問到謙仔與思貝的緋聞，他說：「我個人唔喺香港，去咗內地拍戲4個月，咁都可以傳緋聞，都幾特別，當為個劇宣傳！（有冇收到楊怡電話問番單緋聞？）以佢智慧同經驗，報道影響唔到佢，呢啲新聞見怪不怪，總之我哋一切冇變。」而思貝則否認與謙仔有私下約會：「緋聞上年傳到依家，我哋冇私下見面，見親都係工作。（謙仔名草有主，唔行咁埋？）唔會特別諗，依家工作為主，我爹哋媽咪今日都有嚟支持我。（家人追問你緋聞？）佢哋唔問，好信任我，唔使我解釋。」