方力申昨日以大使身份出席慈善跑活動，穿上充氣相撲手服參加三公里慈善跑，化身「相撲手」的他說：「我之前第一眼就覺得好得意，仲有個假髮襯埋，我有意認購呢件衫，遲啲萬聖節可以再着！」他曾參加馬拉松賽事，開跑時出盡全力，結果到達終點時「拉柴」。問到可有刻意加緊練跑？他說：「呢排跑少咗，教練話愈跑會愈瘦，我想練肌肉，所以唔適合長跑！（女友鄧麗欣陪跑？）佢都有跑，不過各有各練，好少機會一齊去跑街！」排球場上鄧麗欣英姿颯颯，小方受訪時大讚女友：「佢成日都有練習，好認真同有熱誠。我之前仲笑佢唔夠Fit，其實佢好有運動細胞！」惟他抗拒與女友打波：「我冇爆發力，又跳唔高，排球唔啱我玩！」

扮相撲手的小方大讚女友有運動細胞，更在跳高環節主動「認輸」投降！